«Kanelonyń» promoýteri Golovkınmen úshinshi aıqas týraly jańa málimdeme jasady

ASTANA. QazAqparat - Meksıkalyq boksshy Saýl Alvarestiń promoýteri Oskar de la Hoııa qazaqstandyq Gennadıı Golovkınmen úshinshi jekpe-jek týraly kelissózderdiń bastalǵanyn resmı túrde jarııalady, dep habarlaıdy Sports.kz.

«Men bizdiń prezıdentimiz Erık Gomeske Golovkınmen kelissózderdi bastaýǵa tapsyrma berdim», - dep jazdy De la Hoııa tvıtterde.

Budan buryn De la Hoııa úshinshi aıqastyń 4 mamyrda Las-Vegastaǵy (AQSh) T-Mobile Arena-da ótýi múmkin ekenin aıtqan edi. Birinshi jekpe-jek te, ekinshi aıqas ta sonda ótken bolatyn.