«Kanelonyń» promoýteri boksshynyń problemasy týraly aıtty

ASTANA. QazAqparat - Saýl Alvarestiń (50-1-2, 34 KO) promoýteri Oskar de la Hoııa boksshynyń HBO telearnasymen aıaqtalýǵa jaqyn kelisimsharty týraly aıtty, dep habarlaıdy Sports.kz.

«Bul, «Kanelonyń» HBO-daǵy sońǵy aıqasy bolǵan sııaqty. Biraq, biz jaqsy seriktestermiz. Sondyqtan olardyń kelissózder jasaýǵa quqyqtary bar. Bizdiń promoýterlik jumysymyz - «Kaneloǵa» úzdik mámile jasaý. Qaı usynystyń tıimdi bolatynyn qarastyramyz. Meıli ol ESPN, DAZN, Facebook nemese tipti Showtime bolsyn, tarazyǵa salyp kóremiz», - dedi De la Hoııa.

Eske salaıyq, Golovkın - «Kanelo» rematchy 16 qyrkúıek kúni Amerıka Qurama Shtattarynyń Las-Vegas qalasynda ótti. Nátıjesinde otandasymyz tóreshiler sheshimimen (113-115, 114-114, 113-115) jeńilip, WBA Super, WBC jáne IBO tujyrymdary boıynsha orta salmaqtaǵy chempıondyq beldikterinen aıyryldy. Olardyń birinshi aıqasy byltyr teń aıaqtalǵan edi.