«Kanelonyń» Golovkınmen aıqastan bas tartý sebebi belgili boldy

NUR-SULTAN. QazAqparat - Boxing247.com jýrnalısi Albert Kreın meksıkalyq boksshy Saýl «Kanelo» Alvarestiń (56-1-2, 38 KO) qazaqstandyq Gennadıı Golovkınmen (41-1-1, 36 KO) nelikten jekpe-jekke shyqqysy kelmeıtinin túsindirdi, dep habarlaıdy QazAqparat Sports.kz-ke silteme jasap.

«Belsendi bolmaý men álsiz oppozıtsııa Golovkınniń mansabyna zııan tıgizýi múmkin. Jankúıerleri ony burynǵydaı jıi kórmeıdi. Golovkın «Kanelomen« úshinshi ret rıngke shyqqysy keledi. Alaıda ol óziniń tanymaldylyǵyn saqtap qalý úshin eshteńe istemedi, tek belsendilik tanytyp, úzdiktermen aıqasady. Bul «Kanelonyń« GGG-men úshinshi jekpe-jegine qyzyǵýshylyq tanytpaýynyń sebebi bolýy múmkin. Óıtkeni ol endi jetistikke jetýge tyryspaıdy. Golovkın «Kanelodan« jeńilgennen keıin óz ambıtsııasyn joǵaltqan sııaqty», — deıdi avtor.