Kanelony jeńsem, ol meniń mansabymdaǵy iri jeńis bolar edi -Golovkın

NUR-SULTAN. QazAqparat – WBA Super, IBF jáne IBO tujyrymdary boıynsha orta salmaqtaǵy álem chempıony Gennadıı Golovkın ekinshi orta salmaqtaǵy barlyq negizgi tıtýldardyń ıegeri Saýl «Kanelo» Alvareske qarsy 17 qyrkúıekte ótetin úshinshi aıqasy týraly aıtty, dep habarlaıdy QazAqparat Sports.kz saıtyna silteme jasap.

GGG alǵashqy eki aıqastaǵy jaǵdaı men nátıjesi meksıkalyqpen jekpe-jekke yqpal etpeıtinin atap ótti. 2017 jyly qarsylastar teń nátıjemen aıaqtasa, bir jyldan keıin Alvares tóreshilerdiń sheshimimen jeńimpaz atandy.

«Kóp ýaqyt ótti. Endi ekeýmiz de basqa boksshymyz. Bul ári qaraı jyljý úshin durys ádis. Buǵan deıingi eki aıqasqa qaraılamaı, munyń ózgeshe jekpe-jek degen oımen barynsha jattyǵý kerek. Men munyń ońaı aıqas bolmaıtynyna senimdimin. Meniń qarsylasym – chempıon, onyń tórt belbeýi bar. Ol osy salmaq dárejesindegi úzdik boksshy bolýy da múmkin. Men bul salmaqqa birinshi ret ótip jatyrmyn jáne osy dıvızıondaǵy úzdik boksshymen judyryqtasamyn. «Kanelony» jeńsem, ol meniń mansabymdaǵy iri jeńis bolar edi. Qatty qýanar edim», - dedi Gennadıı Las Vegas Review Journal-ǵa bergen suhbatynda.

Foto: sports.kz