«Kanelomen» úshinshi aıqasqa Golovkınniń múmkindigi molaıdy

NUR-SULTAN. QazAqparat - Boxingnews24.com jýrnalısi Aragon Garsııa meksıkalyq boksshy Saýl Alvarestiń (53-1-2, 36 KO) mamyr aıynda bolýy múmkin qarsylastary jaıly óz pikirimen bólisti, dep habarlaıdy Sports.kz.

Budan buryn Kanelonyń» jattyqtyrýshylarynyń biri Eddı Reınoso Garsııanyń kelispeýine qaramastan brıtandyq Djon Raıderdi (28-5, 16 KO) ataǵan bolatyn.

«23 qarashada Lıverpýlde Raıder WBA Super nusqasy boıynsha chempıon Kallým Smıtten utylyp qalǵan edi. Bul talas týdyrǵan aıqas bolǵanymen Raıderdiń jeńilgendigi ras. Endeshe, «Kanelo» saǵy synǵan jigitpen judyryqtasqysy kele qoıar ma eken?»,- dep jazdy Garsııa óziniń maqalasynda.

Endi Alvarestiń tizimi úsh esimge deıin qysqardy: Gennadıı Golovkın (40-1-1, 35 KO), Kallým Smıt (27-0, 19 KO), Bıllı Djo Sonders (29-0, 14 KO).