«Kanelomen» aıqas №1 boksshyny anyqtaıdy - Golovkın

ASTANA. QazAqparat - Qazaqstandyq boksshy Gennadıı Golovkın (37-0, 33 KO) meksıkalyq Saýl Alvarespen (49-1-1, 34 KO) bolatyn aldaǵy jekpe-jek týraly pikir bildirdi, dep habarlaıdy Sports.kz.

«Bul aıqas boksta kimniń nómiri birinshi ekendigin kórsetedi. 16 qyrkúıek kúni «Kanelo» - GGG jekpe-jegin RingTV.com saıtynan PPV onlaın qarańyzdar. Big Drama Show», - dep jazdy Golovkın tvıtterde.

Eske salaıyq, 16 qyrkúıekte Gennadıı Golovkın meksıkalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaıy belbeýin qosyp alady.

Atalǵan basylym ony arnaıy Alvares úshin shyǵarǵan bolatyn. Ýaqyt aıyrmashylyǵyna baılanysty Qazaqstanda jekpe-jektiń tikeleı kórsetilimi 17 qyrkúıekte tańerteń bolady.