«Kanelo» jýrnalısterge málimdeme jasady
10:16, 28 Shilde 2018
ASTANA. QazAqparat - Meksıkalyq boksshy Saýl Alvares óziniń jáne Golden Boy Promotions kompanııasynyń Gennadıı Golovkınmen birlesken baspasóz máslıhatynan jáne ekinshi jekpe-jekti tolyqtaı nasıhattaýdan ne sebepti bas tartqanyn túsindirdi, dep habarlaıdy QazAqparat Sports.kz-ke silteme jasap.
«Tyńdańyzdarshy, eger biz ony byltyr jasaǵan bolsaq, taǵy da press-týr jasap qaıtemiz? Biz komandamyz birlesken baspasóz máslıhatyn ótkizýden bas tartty. Sebebi bizge jumys isteý qajet. Men úshin qazir eń bastysy - jattyǵý jasaý. Baspasóz máslıhaty unaıdy ma degen suraqqa kelsek, maǵan odan góri jattyǵýlar men jekpe-jekter unaıdy», - dedi «Kanelo» Los Angeles Times-qa bergen suhbatynda.
Eske salaıyq, taıaýda Golovkın men Alvares ózgeshe baspasóz máslıhatyn ótkizgen edi. Baspasóz jıyny qashyqtyqtan ótti, boksshylar óz lagerlerinde boldy.
«Kanelo» - GGG rematchy 15 qyrkúıekte Las-Vegastaǵy T-Mobile Arena-da ótedi.