«Kanelo» jattyqtyrýshysy Golovkınge úshinshi jekpe-jek ótkizetin oryndy usyndy

NUR-SULTAN. QazAqparat – Saýl Alvarestiń jattyqtyrýshysy ári menedjeri Eddı Reınoso «Kanelo» men Gennadıı Golovkın arasyndaǵy jepe-jekter trılogııasynyń sońǵy bóligin qaramaǵyndaǵy tárbıelenýshisiniń otanynda kórgisi keletinin málimdedi, dep habarlaıdy QazAqparat Sports.kz saıtyna silteme jasap.

Boksshylardyń aldyńǵy eki aıqasy 2017 jáne 2018 jyldary Las-Vegastaǵy T-Mobile Arena-da ótken. Birinshi judyryqtasý teń aıaqtalsa, ekinshisinde tóreshilerdiń basym bóliginiń sheshimi boıynsha Alvares jeńdi.

«Men «Kanelonyń» Golovkınmen Meksıkada – Mehıko ne Gvadalaharada aıqassa eken deımin. Iá, men úshinshi jekpe-jektiń Meksıkada ótkenin qalaımyn. Biz GGG-men taǵy kezdesetinimizge úmittenemin. Golovkın alǵashqy eki jekpe-jekte jeńiske jete almady, endi jeltoqsanda Rıota Mýratamen aıqasady. Endi ne bolatynyn kóremiz. «Kanelo men GGG arasyndaǵy úshinshi jekpe-jekti Meksıkada ótkizý ońaıǵa soqpas, biraq men uıymdastyra alatynymyzǵa úmittimin», - dedi Reınoso Meksıka reporterlerimen áńgimelesý barysynda.