«Kanelo» jankúıerlerin taǵy aldaıtyn bolsa jeńiledi - Abel Sanches

ASTANA. QazAqparat - Gennadıı Golovkınniń bapkeri Abel Sanches pen boksshynyń qarsylasy Saýl «Kanelo» Alvares 15 qyrkúıekte ótetin qarymta kezdesýdiń aldyndaǵy telekonferentsııada sózge kelispeı qaldy, dep habarlaıdy Sports.kz

«Kanelo» alǵashqy jekpe-jektiń aldynda da dál osylaı sóılegen, alaıda kezdesý júgirý jarysyna aınalyp ketti. 15 qyrkúıek kúni Oskar tańǵy as kezinde «Kaneloǵa» aıqasta er-jigitke tán oıyn kórsetsin dep eskertýi kerek dep oılaımyn», - dedi Sanches.

«Ol Golovkındi nokaýtqa túsirmek bolsa, onyń judyryqtasýy kerek. «Kanelo» aldyńǵy jekpe-jekte Gennadııdiń nokaýtynan qashyp júrip aman qaldy. Alaıda ol Golovkındi nokaýtqa túsirem degen oımen jankúıerlerdi taǵy da aldaıtyn bolsa, jeńilis tabatyny sózsiz. Men muny buryn da aıtqanmyn, aıte beremin de», - dedi Golovkınniń bapkeri.

«Kanelo» mamannyń sheshimimen kelispeı, óziniń laıyqty aıqas kórsetkenin aıtady.

«Men óz jekpe-jegimdi ótkizdim jáne aldyma qoıǵan maqsatty oryndadym. Kezdesý joǵary deńgeıde ótti. Alaıda 15 qyrkúıek kúni jeńiske jetý úshin ádettegi tásilderime ózgeris engizemin. Bul adam artyq sóılegendi unatady. Tek syltaý aıtýdy biledi. Alaıda 15 qyrkúıek kúni Saýl «Kanelo» Alvarestiń kim ekenin jáne qolynan ne keletinin kóresizder», - dep jaýap qaıtardy meksıkalyq boksshy.