«Kanelo» WBC reıtınginde qaıtadan kósh bastady

ASTANA. QazAqparat - Orta salmaqtaǵy meksıkalyq boksshy Saýl Alvares (49-1-2, 34 KO) taǵy da Dúnıejúzilik boks keńesiniń reıtınginde kósh bastap tur, dep habarldaıdy Sports.kz.

Talksports.com portalynyń jýrnalısi Maıkl Benson bul «Kanelonyń» eki márte dopıng-testten súringennen keıin VADA uıymynyń jyl boıy testileý baǵdarlamasyna jazylýǵa sheshim qabyldaýymen baılanysty dep otyr.

«Kanelo» 17 jáne 20 aqpanda klenbýterolǵa tekserilgen dopıng-synamada oń nátıje kórsetti, sodan soń 6 aıǵa (17 tamyzǵa deıin) shettetilgen bolatyn. Sonyń saldarynan Gennadıı Golovkınmen 5 mamyrǵa josparlanǵan rematch ótpeı qaldy. Sondaı-aq, WBC «Kanelony» reıtıngten alyp tastaǵan, alaıda uıymnyń prezıdenti Maýrısıo Sýleıman meksıkalyq boksshy dopıngige qarsy baǵdarlamaǵa jazylǵan boıda reıtıngtegi ornyna qaıta oralatynyn aıtqan bolatyn jáne solaı boldy da.

Golovkın men «Kanelonyń» komandalary 15 qyrkúıekte ótýi múmkin qaıta kezdesý jóninde kelissózder júrgizýdi jalǵastyrýda.