«Kanelo» Kovalevty jeńgennen soń Golovkınmen jekpe-jek týraly aıtty

NUR-SULTAN. QazAqparat – Meksıkalyq boksshy Saýl Alvares (53-1-2, 36 KO) reseılik Sergeı Kovalevty (34-4-1, 29 KO) jeńgen soń Gennadıı Golovkınmen ótýi múmkin jekpe-jek týraly aıtty, dep habarlaıdy QazAqparat Sports.kz-ke silteme jasap.

«Kelip, maǵan qoldaý bildirgenderdiń barlyǵyna alǵys aıtamyn. Jeńiske jetip, tarıhqa atymdy jaza alǵanyma qýanyshtymyn. Bárińizdi sabyrly bolýǵa shaqyramyn, óıtkeni «Kanelo» degen ol — kepildik! Golovkınmen jekpe-jek? Men buryn da onyń maǵan asa qyzyq emes ekenin aıtqanmyn, biraq bıznes jaǵynan qyzyq jeri bar. Kóremiz», - dedi Alvares.

«Kanelo» Kovalevty on birinshi raýndta nokaýtqa jiberip, WBO tujyrymy boıynsha jartylaı aýyr salmaqtaǵy álem chempıony beldigin tartyp aldy. Munymen meksıkalyq boksshy tórtinshi salmaq sanatynda álem chempıony bolyp otyr.