«Kanelo» qazaqstandyqtardy Naýryz meıramymen qazaq tilinde quttyqtady

ASTANA. QazAqparat - Ekinshi orta salmaqtaǵy absolıýtti álem chempıony Saýl «Kanelo» Alvares Qazaqstan halqyn tól merekesimen qazaq tilinde quttyqtady, dep habarlaıdy QazAqparat Suleimen Promotions komandasynyń baspasóz qyzmetine silteme jasap.

«Álemge áıgili boksshy, absolıýtti chempıon, dosymyz Saýl (Kanelo) Alvares Qazaqstan halqyn kóktemmen birge kelgen Ulystyń uly kúni - Naýryz meıramymen quttyqtady.

Al Suleimen Promotions komandasy óz kezeginde qazaqy dástúr boıynsha boksshyǵa qurmet kórsetip, shapan japty, syı-sııapat kórsetti», - dep jazdy Suleimen Promotions jelidegi paraqshasyna.

Kanelo da Qazaqstan halqyn qazaq tilinde quttyqtap: «Naýryz meıramy qutty bolsyn, Qazaqstan! Sizderdi kórgenime óte qýanyshtymyn! Men barlyǵyńyzdy qushaqtaımyn!» - degen «Kanelo».