«Kanelo» qazaqstandyq bolashaq álem chempıondarynyń atyn atady

ASTANA. QazAqparat – Tanymal meksıkalyq boksshy Saýl «Kanelo» Alvares bolashaqta Qazaqstannan shyǵatyn álem chempıondarynyń esimderin atady, dep habarlaıdy QazAqparat tilshisi.

«Qazaqstan! Evgenıı, Ábilhan jáne Bek bolashaq álem chempıondary!» – dedi Kanelo kóliginiń terezesinen sóılep, artynsha boksshylarmen qol alysty.

Bul vıdeony Suleimen Promotion promoýterlik kompanııasy jarııalady. Ol Evgenıı Pavlov, Ábilhan Amanqul jáne Bek Nurmaǵanbet týraly aıtty. Qazan aıynda Evgenıı Pavlov meksıkalyq Hesýs Gomes Kıntanany jeńip, rekordyn 8 jeńiske jetkizdi. Ábilhan Amanqul ekinshi jekpe-jegin 22 qazan kúni meksıkalyq Ieasson Pacheko Servantespen ótkizedi. Bek Nurmaǵanbet osy jyldyń maýsym aıynda Keınel Ýıllerdi jeńip, kásibı rıngtegi jetinshi jeńisine qol jetkizdi.

Esterińizge sala keteıik, 18 qyrkúıekte Saýl Alvares qazaqstandyq boksshy Gennadıı Golovkınmen jekpe-jek ótkizip, jeńiske jetti.

Foto: sports.kz