«Kanelo» Golovkınmen jekpe-jek aldynda óziniń «taza» ekenin aıtty

ASTANA. QazAqparat - Meksıkalyq boksshy Saýl «Kanelo» Alvarestiń aıtýynsha, odan alynǵan túk follıkýlasynyń synamasy klenbýteroldyń aǵzasyna ádeıi túspegenin dáleldep tur, dep habarlaıdy Sports.kz.

Gennadıı Golovkınmen qarymta kezdesýdiń aldynda jasalǵan dopıng synamalary kórsetken oń nátıjelerden keıin Alvares shashtyń býyltyǵyna synama jasaýǵa ruqsat berdi. Nátıjesinde aǵzasynan tyıym salynǵan zattar tabylǵan joq.

«Shashtyń úlgileri bar. Bul tek maǵan baılanysty emes, sondaı-aq, VADA men keńes baryn umytpaǵan jón. Shashtyń synamasy barlyǵyn aıqyn kórsetip tur. Menen alynǵan úlgiler aldamaıdy. Ár iste shynaıy bolǵan jón», - dedi Alvares ESPN Deportes-pen júrgizgen suhbatynda.

Eske salaıyq, búgin «Kanelo» GGG-men ótetin rematchtyń aldynda bolǵan dopıngke qatysty jaǵdaıdy tolyq jaýapkershiligine aldy.

Boksshy ettiń quramyndaǵy klenbýteroldyń kóp bolýyna baılanysty osy máselege jete mán bermegenin moıyndady.