«Kanelo» Golovkınmen úshinshi aıqastan bas tartty

NUR-SULTAN. QazAqparat – Úsh salmaq dárejesindegi álem chempıony Saýl «Kanelo» Alvares (53-1-2, 36 KO) kezekti ret ózin Golovkınmen (40-1-1, 35 KO) úshinshi aıqastyń qyzyqtyrmaıtyndyǵyn taǵy bir nyqtady, dep habarlaıdy sports.kz.

Buǵan qosa meksıkalyq 2013 jyly óziniń karerasynda tuńǵysh ret aşy jeńilistiń dámin tatqyzǵan amerıkalyq kishi Floıd Meıvezerden (50-0, 27 KO) qarymta qaıtarǵysy keletindigin aıtty. Munyń aldynda kishi Floıd Meıvezer aldaǵy jyly rıngke qaıta oralǵysy keletindigin jarııa etken bolatyn.

«Men Golovkınmen judyryqtasqym kelmeıdi. Bul aıqastyń men úshin esh mańyzy joq. Al Meıvezer? Odan jeńilgenim maǵan óte jaqsy sabaq boldy. Iá, onymen qarymta jekpe-jekti súısine ótkizer edim. Solaı bolatyndyǵyna senemin»,-dedi «Kanello» ESPN telarnasyna bergen suhbatynda.