«Kanelo»: Golovkınmen úshinshi aıqas bolýy múmkin

ASTANA. QazAqparat - Meksıkalyq boksshy Saýl Alvares (49-1-2, 34KO) qazaqstandyq boksshy Gennadıı Golovkınmen (37-0, 33KO) qarymta kezdesýdi asyǵa kútýde, dep habarlaıdy Prosports.kz Boxingscene.com saıtyna silteme jasap.

Kanelo alǵashqy kezdesýde GGG-ǵa kóbirek soqqy jasaý kerek bolǵandyǵyn  jáne  jeńiske qajettiniń bárin jasaǵanyn atap ótken.

«Jekpe-jekti on ret qaıtalap kórgen shyǵarmyn, keremet shaıqas boldy. Men eki upaı basymdyqpen alda turǵan bolatynmyn. Jeńisim kúmánsiz bolý úshin kóbirek soqqy jasaýym kerek edi. Endi Kolorado taýlarynda jattyǵyp, daıyndyǵymdy údete túsemin. Bul joly aıqyn basymdylyqpen jeńýge tyrysamyn. Ekinshi jekpe-jekke sol úshin kelisim berdim. Rıngte ózimdi jeńil sóziný úshin, jattyǵýǵa barymdy salamyn», - dedi Alvares.

Ol sonymen qatar Golovkınmen jekpe-jek trılogııaǵa ulasyp ketýi múmkindigin joqqa shyǵarmady.

«Úshinshi kezdesýdiń uıymdastyrylatynyna múmkindik joǵary. Ekinshi kezdesýde bári belgili bolady. Birinshi jekpe-jektiń artyna kóp áńgime ilesti. Ekinshisi halyqqa unaýy kerek, keremet shaıqas bolatynyna senimdimin», - dep qosty meksıkalyq boksshy.