«Kanelo» Golovkınmen rematch aldynda jaraqaty týraly aıta bastady

ASTANA. QazAqparat - Meksıkalyq boksshy Saýl Alvares (49-1-2, 34 KO) qazaqstandyq Gennadıı Golovkınmen (38-0-1, 34 KO) aldaǵy rematchyna qatysty pikir bildirdi, dep habarlaıdy QazAqparat Sports.kz saıtyna silteme jasap.

«Múmkin olardyń taktıkasy - ózara soqqylardyń soǵysyn jasaý, biraq bul meniń ishimdegi ǵana sezim. Ne isteýim kerektigin bilemin. Ekinshi aıqas birinshisine qaraǵanda áserli ótedi. Biz bir-birimizdi bilemiz jáne ne isteýi kerektigimizdi jaqsy túsinemiz», - dedi Alvares.

Sondaı-aq boksshydan taıaýda tizesine jasalǵan operatsııa týrýly jáne onyń jekpe-jekke daıyndyǵyna qalaı ásker etip jatqanyn surady.

«Tizem be? Aıqas kezinde ol maǵan esh qıyndyq týǵyzbaıdy. Olaı bolǵan jaǵdaıda da, «B» josparym bar. Biraq ol týraly eshkimge aıtpaımyn», - dedi ol.

Aıta keteııik, «Kanelo» - GGG rematchy bıyl 15 qyrkúıek kúni Las-Vegasta ótedi.

Profit Betting oǵan kelesideı koeffıtsıentterdi usynyp otyr. Golovkınniń jeńisi - 1.61, Alvarestiń jeńisi - 2.57, teń aıqas - 21.5.