«Kanelo» Golovkınmen qyrkúıektegi jekpe-jegine qatysty pikir bildirdi
12:55, 14 Maýsym 2018
ASTANA. QazAqparat - Meksıkalyq boksshy Saýl «Kanelo» Alvares Gennadıı Golovkınmen qarymta aıqas ótetini resmı jarııa etilgennen keıin, óz jankúıerlerine málimdeme jasady, dep jazady Sports.kz.
«Men sizderge Golovkınmen jekpe-jek týraly kelisimge qol jetkizgenimizdi habarlaımyn. Biz 15 qyrkúıekte taǵy da kezdesemiz, sizderge aqparat berip otyramyn. Sizderdiń qoldaýlaryńyzǵa alǵys aıtamyn», - dedi Saýl Alvares Instagramdaǵy vıdeoúndeýde.
Golovkın men Alvarestiń qarymta aıqasy 15 qyrkúıekte, birinshi jekpe-jek ótken jerde Las-Vegasta T-Mobile Arena-da ótedi. Ol daýly kezdesý teń nátıjemen aıaqtalǵan edi. Boksshylardyń promoýterleri kelisim jasaýǵa berilgen merzimniń sońǵy sátinde aıqasty ótkizýge ortaq mámilege kelgen bolatyn.