«Kanelo» Golovkınmen qarymta kezdesýge qalaı daıyndalyp jatyr

ASTANA. QazAqparat - Youtube-tegi Discover The Fights arnasy meksıkalyq boksshy Saýl Alvarestiń (49-1-2, 34 KO) qazaqstandyq Gennadıı Golovkınmen (38-0-1, 34 KO) ótetin jekpe-jekke daıyndyǵynyń barysyn jarııalady, dep habarlaıdy Sports.kz. 

Boksshylardyń alǵashqy kezdesýi 16 qyrkúıek kúni Las-Vegastaǵy T-Mobile Arena-da ótken bolatyn. Jekpe-jektiń nátıjesinde, eki jaq teń túsip, sońy daýǵa ákep soqty.

Tóreshilerdiń jazýynsha, aıqas 118-110 esebimen Kanelonyń paıdasyna, al 114-114, 115-113 esebimen Golovkınniń paıdasyna aıaqtalǵan.

Rematch 15 qyrkúıek kúni alǵashqy kezdesý ótken jerde qaıtalanady. Bul joly Golovkın tóreshilerdiń sheshim qabyldaýyna múmkindik bermeı, «Kanelony» aldyn ala jeńýdi kózdeıtinin aıtty. Qazaqstandyq boksshynyń bapkeri Abel Sanches te Golovkındi aldaǵy kezdesýde Alvaresti nokaýtqa ońaılyqpen túsire alatyndaı dárejede jattyqtyryp jatqanyn rastady.