«Kanelo» Golovkınmen aıqastan keıin demalysqa attandy
08:05, 27 Qyrkúıek 2018
ASTANA. QazAqparat - Meksıkalyq boksshy Saýl Alvares (50-1-2, 34 KO) qazaqstandyq Gennadıı Golovkınmen (38-1-1, 34 KO) ótken kúrdeli aıqastan keıin demalýǵa bel býǵan, dep habarlaıdy Sports.kz.
«Demalys», - dep qysqasha jazdy «Kanelo» Instagram-ǵa júktelgen fotonyń astyna.
Sondaı-aq ol «Stories» bólimine demalysty ótkizip jatqan jerden vıdeo jarııalady. Alaıda, onyń ornalasqan jerin kórsetpegen.
Eske salaıyq, GGG «Kanelo» arasyndaǵy birinshi jáne ekinshi aıqastar Las-Vegastaǵy T-Mobile kesheninde ótti. Eki jekpe-jekte de boksshylardyń eshqaısysy aıqyn basymdyqpen jeńiske jete almady. Alǵashqysy - teń nátıjemen, revansh - tóreshiler daýysymen «Kanelonyń» paıdasyna aıaqtaldy.