«Kanelo» Golovkınge shart qoıdy

NUR-SULTAN. QazAqparat – Meksıkalyq boksshy Saýl Alvares (55-1-2, 37 KO) qazaqstandyq Gennadıı Golovkınge shart qoıdy, dep habrlaıdy QazAqparat Sports.kz saıtyna silteme jasap.

Sport saıtynyń jazýynsha, Golovkın Alvarespen úshinshi ret kezdeskisi kelse nemese kópten kútken trılogııanyń bolǵanyn qalasa, ol sýper orta salmaqqa kóterilýi kerek.

«Men Golovkınmen kezdesý úshin myqty boksshylarmen, kóptegen chempıondarmen aıqasqa shyqtym, salmaǵymdy da kóterdim. Al Golovkınge nege salmaǵyn kótermeske?»-deıdi Kanelo.

Aıta keteıik, Golovkınniń «Kanelomen» birinshi jáne ekinshi kezdesýleri orta salmaqta ótti. Birinshi aıqas úlken daý týdyrǵanymen, teń aıaqtaldy dep sheshildi. Ekinshi jekpe-jekte tóreshiler jeńisti Alvareske berdi.

«Kanelo» únishi ret kezdesý ótkizý máselesin de qarastyratynyn aıtty. Ol úshin Golovkın óziniń barlyq chempıondyq beldikterin 168 fýnt salmaqqa qoıýy kerek.