«Kanelo» Golovkındi jeńýge ýáde etti

ASTANA. QazAqparat - Meksıkalyq boksshy Saýl «Kanelo» Alvares 15 qyrkúıekte qazaqstandyq álem chempıony Gennadıı Golovkındi jeńip, aqpanda dopıng synamasy nátıjesinen keıingi óz abyroıy týraly barlyq kúdikti seıiltetinin málim etti, dep habarlaıdy Sports.kz.

Boksshylardyń jekpe-jegi 5 mamyrdy ótýi tıis edi, alaıda Alvares Nevada shtaty Atletıka komıssııasynyń sheshimimen alty aıǵa sporttan shettetildi.

«Komıssııa ne bolǵanyn bildi. Olar munyń ádeıi istelmegenine senimdi, sondyqtan maǵan qysqa jaza berdi. Olar bárin bildi.

Men Meksıkada júrgende kez kelgen dúkenge kirip, tako jeı beremin. Kez kelgen jerde júrek jalǵaýym múmkin. Meniń aqshamnyń bary belgili bir oryndarda toqtap, tamaqtanýdyń múmkin emestigin bildirmeıdi. Men qarapaıym adammyn jáne men kedeı bolyp óstim. Men aqshaǵa bola ózgerip kete almaımyn.

Biraq, 15 qyrkúıekte men Golovkındi jeńgennen keıin eshkim bul týraly aıtpaıtyn bolady», - dedi «Kanelo» ReviewJournal.com-ǵa bergen suhbatynda.