«Kanelo» Golovkındi jeńgennen keıin tıimdi usynys aldy

ASTANA. QazAqparat - Los Angeles Times jýrnalısi Lens Pagmaırdyń habarlaýynsha, orta salmaqta WBA/WBC nusqalary boıynsha álem chempıony meksıkalyq boksshy Saýl «Kanelo» Alvarestiń ókilderi naryqtaǵy alpaýyt «oıynshylardan» birqatar usynystar alǵan, dep habarlaıdy Sports.kz. 

Eske sala ketsek, 15 qyrkúıek kúni Alvares qazaqstandyq bylǵary qolǵap sheberi Gennadıı Golovkındi utyp ketken edi. Bul qos boksshy úshin de HBO telejúıesimen kelisimshart boıynsha sońǵy jekpe-jek bolatyn. 

Keshe belgili bolǵandaı, 2019 jyldan bastap HBO boks kezdesýlerin kórsetýdi toqtatady. Osylaısha, 45 jylǵa sozylǵan telearnadaǵy «boks dáýiri» aıaqtalady. 

Saýl kelesi jekpe-jegin 15 jeltoqsanda ótkizýdi josparlap otyr. 

«Jańa ǵana Erık Gomespen habarlastym. Onyń aıtýynsha, HBO 15 jeltoqsan kúni «Kanelonyń» PPV jekpe-jegin uıymdastyrýǵa ázir. Alaıda boksshy men Oskar de la Hoııa mundaı múmkindikti talqylaǵan joq. Erık Gomestiń sózine sáıkes, oǵan Eddı Hırn men Todd dıýBef habarlasyp, «Kanelony» tıisinshe DAZN men ESPN-ge shaqyrýǵa qyzyǵýshylyq bildirgen eken», - dep jazdy Pagmaır Tvıtterde.