«Kanelo» Golovkındi nokaýtqa túsirýge daıyn otyrǵanyn aıtty

ASTANA. QazAqparat - Álemniń eks-chempıony Saýl Alvares aldaǵy Gennadıı Golovkınmen ótetin jekpe-jekke qatysty josparlarymen bólisti. «Kanelo» Golovkınmen aradaǵy arazdyǵy aıqasta qarsylasyn nokaýtqa túsirip, barlyq taǵylǵan aıyptar úshin kek qaıtarýǵa ıtermeleıtinin aıtty, dep habarlaıdy Sports.kz.

«Men bokstaǵy 13 jyl boıǵy mansabymda jetken jetistikterime rızamyn. Árıne, áli talaı jyl rıngke shyǵamyn, degenmen qazirgi tańda óz-ózime kóńilim tolady. Berilgen barlyq múmkindikterdi paıdalanyp, tarıhqa óz úlesimdi qosýǵa, joǵary dárejedegi jekpe-jekterdi usynýǵa ázirmin. Boksshynyń rıngtegi ǵumyry qysqa bolady, sondyqtan ony naqty bir maqsatqa jumsaǵym keledi. Artymda óshpes iz qaldyrý úshin bar múmkindikti tolyqtaı paıdalanǵym keledi. Árıne, bul aıqastyń meniń jeke basyma da yqpalyn tıgizgeni belgili. Shynymen de, Golovkındi unaıtpaımyn, degenmen bul - jeke másele. Dál osy arazdyq meni odan ary jattyǵýǵa ıtermelep, 15 qyrkúıekte qarsylasymdy nokaýtqa túsirýge kúsh beredi», - dedi «Kanelo».

Eske salaıyq, kópten kútken qarymta kezdesý 15 qyrkúıekte Las-Vegastegi «T-Mobile» arenasynda ótedi.