Kandıdat Jıgýlı Daırabaev Aqtóbe oblysynyń saılaýshylarymen kezdesti

ASTANA. QazAqparat - Qazaqstan Respýblıkasynyń Prezıdenttigine kandıdat Jıgýlı Daırabaev Aqtóbe oblysynyń saılaýshylarymen kezdesti, dep habarlaıdy QazAqparat «Aýyl» halyqtyq-demokratııalyq patrıottyq partııasyna silteme jasaı otyryp.

Basqosý Aqtóbe qalasynyń aýyl sharýashylyǵy kolledjinde ótti. Kandıdat jurtshylyqpen tildese otyryp, óziniń saılaýaldy baǵdarlamasynyń negizgi baǵyttaryna da toqtaldy.

Sondaı-aq Jıgýlı Daırabaev Qarǵaly aýdanyndaǵy sharýashylyqtarǵa baryp, mádenıet úıinde aýdan turǵyndarymen kezdesti. Kezdesýge jetpiske jýyq adam qatysty.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.