Kandıdat Toqaevtyń jaqtastary Jetisý oblysynyń turǵyndarymen birqatar kezdesý ótkizdi

TALDYQORǴAN. QazAqparat - Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Jetisý oblysynyń turǵyndarymen birqatar kezdesý ótkizdi, dep habarlaıdy QazAqparat qoǵamdyq shtabqa silteme jasaı otyryp.

Atap aıtqanda Respýblıkalyq qoǵamdyq shtab músheleri óńirdiń shyǵarmashylyq zııaly qaýym ókilderimen, jergilikti kásipkerlermen jáne sharýalarmen, úkimettik emes uıymdardyń jáne jastar uıymdarynyń basshylarymen kezdesti.

Sondaı-aq Balpyq bı aýylynda Kóksý qant zaýytynyń eńbek ujymymen kezdesip, bıznes pen eńbek adamyn qoldaý jónindegi basymdyqtardy talqylady.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.