Kandıdat Amankeldi Taspıhov daýys berdi
Kandıdat jubaıymen birge QR Ulttyq kitaphanasynda ornalasqan №111 saılaý ýchaskesine keldi.
«Kásipodaqtyń meni kandıdat retinde usynǵany qýanyshtymyn. Qazaqstannyń óńirlerine baryp, belsendi jumys istedik. Uıymdastyrylǵan túrde úgit-nasıhat júrgizdik. Osy sátti paıdalanyp, óz shtabyma, óńirdegi senimdi ókilderime, meni qoldap, men úshin úgit-nasıhat júrgizgen barlyq azamattarǵa rahmet aıtqym keledi», - dedi A. Taspıhov.
Amankeldi Taspıhov Oral qalasynda turady. Saılaýaldy úgit-nasıhat jumystaryna baılanysty elordada daýys berdi.
Aıta keteıik, Amangeldi Taspıhov - QR Prezıdenttigine úmitker 7 kandıdattyń biri. Onyń kandıdatýrasyn «Qazaqstan Respýblıkasynyń kásipodaqtar federatsııasy» Respýblıkalyq kásipodaqtar birlestigi usynǵan.
Búgin Qazaqstan Prezıdentin kezekten tys saılaý bastaldy. QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteıdi. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7.00-20.00 aralyǵy) bolady.