Qandaı jaǵdaıda túısigimizge senýge bolady

NUR-SULTAN. QazAqparat - «Bizge oıymyzǵa kelgen birinshi sheshimge júginý kerektigi týraly jıi aıtylady, biraq túısigimizge senbes buryn saq bolý da kerek. Emtıhan tapsyrý nemese jumysqa adam qabyldaýda, basqa da kóptegen jaǵdaıda biz máseleniń sheshimin biletin sekildi bolamyz. Degenmen, túısikke senýge bola ma nemese oǵan kúmánmen qaraǵan jón be?» dep jazady VVS.

Nobel syılyǵynyń ıegeri Danıel Kaneman mundaı jaǵdaıda «Birinshi júıe» nemese jyldam sheshim dep ataıdy. Bul «Ekinshi júıege», ıaǵnı, asyqpaı oılanyp, saralanyp qabyldanǵan sheshimge qarsy tur.

«Túısik dálel bolmaǵandyqtan, tabıǵı emes jáne dálelsiz dúnıe retinde bedeli tómen. Barlyq nusqany saralap sheshim qabyldaý bizge durys jaýap tabýǵa kómektespeı me? Mamandardyń aıtýynsha, olaı bolmaýy da múmkin. Biz bilmegenimizben, mı qazirgi jaǵdaıdy únemi bizdiń burynǵy oqıǵalarymyzǵa qatysty esteliktermizben salystyryp otyrady. Sol sebepti keıde adamnyń túısigi kóp jylǵy tájirıbeniń nátıjesi bolýy múmkin» dep jazady basylym.

Avtordyń aıtýynsha, eger adam óziniń tańdaýyna senimdi bolsa, onda túısigine sengeni jón.