Qandaı jaǵdaıda sheteldikterdi jumysqa ornalastyrýǵa shekteý qoıylady

ASTANA. QazAqparat – QR Eńbek jáne halyqty áleýmettik qorǵaý mınıstri Tamara Dúısenova Qazaqstanda sheteldik azamattardy jumysqa ornalastyrýdy shekteý sharalaryn engizý týraly suraqtarǵa jaýap berdi, dep habarlaıdy QazAqparat tilshisi.

«Biz EAEO shartynda kózdelgen halyqaralyq mindettemelerimizdi negizge alamyz. Birinshiden, bizde strategııalyq salalar bar, onda qazaqstandyq qyzmetkerlerdiń úlesi aıqyndalǵan. Eger bul úlesten asyp ketse, biz osy salalarǵa jumysqa qabyldaýdy toqtatamyz. Salalar tizimin tıisti organdar anyqtaıdy, sondyqtan men qaıtalaımyn – qazir Reseıden de, basqa elderden de kelgenderdiń sany ulttyq eńbek naryǵynda aýyrtpalyq týdyrmaıdy», - dedi Tamara Dúısenova Ortalyq kommýnıkatsııalar qyzmetinde.

Ol eldegi sheteldik azamattardy jumysqa ornalastyrý boıynsha qandaı jaǵdaıda shekteý sharalary enetinin aıtty.

«Keıinnen eńbekke qabiletti azamattar sanynyń artýy jáne olar qazaqstandyq qyzmetkerlerdiń úlesi bóliginde bizdiń strategııalyq salalarymyzǵa áser etse, onda shekteý sharalary qabyldanady. Eń aldymen sheteldikterge ruqsat berý toqtatylady, al EAEO elderiniń azamattary úshin – jumysqa qabyldaý ýaqytsha toqtatylady», - dep túsindirdi T. Dúısenova.

T. Dúısenovanyń aıtýynsha, bıyl 28 myń sheteldik qyzmetkerge kvota berilgen.

Foto: ortcom.kz