Qandaı jaǵdaıda saılaý jarnasy kandıdattarǵa keri qaıtarylady

ASTANA. QazAqparat – Ortalyq saılaý komıssııasynyń múshesi Sabıla Mustafına saılaý jarnasy kandıdatqa qandaı jaǵdaıda qaıtarylatynyn túsindirdi, dep habarlaıdy QazAqparat tilshisi.

«QR saılaý týraly» Konstıtýtsııalyq zańynda qandaı jaǵdaıda saılaý jarnasy qaıtarylatyny kórsetilgen. Birinshiden, eger kandıdat jeńiske jetse onyń jarnasy qaıtarylady. Ekinshi jaǵdaı – úmitker saılaýshylardyń 5 paıyzdan kem emes daýysyn jınaýy tıis. Sonymen qatar, kandıdat qaıtys bolǵan jaǵdaıda saılaý jarnasy onyń otbasyna qaıtarylady», - dep túsindirdi Sabıla Mustafına.

Spıkerdiń aıtýynsha, atalǵan talaptan basqa jaǵdaılarda kandıdattyń saılaý jarnasy memlekettik qazynada qalady.

Búgingi tańda saılaý jarnasynyń mólsheri - 3 mıllıon teńge.

Eske salaıyq, búgin Ortalyq saılaý komıssııasy sońǵy bolyp qujat tapsyrǵan úmitkerlerdiń biri Baqyt Jańabaevtyń kandıdatýrasy barlyq talaptarǵa saı ekenin málimdedi.