Qandaı máseleler boıynsha petıtsııa berýge bolmaıdy

<p>Mádenıet jáne aqparat vıtse-mınıstri Danııar Qadyrov taıaýda qabyldanǵan &laquo;Qoǵamdyq baqylaý týraly&raquo; zań aıasynda qandaı máseleler boıynsha petıtsııa berýge bolmaıtynyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Ákimshilik-rásimdik kodekste petıtsııa berý jáne qaraýdyń rásimderi jeke qosymshamen retteledi. Respýblıkalyq basqarý nysany, ákimshilik-aýmaqtyq qurylym, shekaralardy ózgertý, sot tóreligi, raqymshylyq, ulttyq qaýipsizdik sııaqty máseleler boıynsha petıtsııa berý múmkindigi bolmaıdy. Taqyryptar tizimi jarııalanǵan zańda berilgen, 17 tarmaq bar. Eń basty novella petıtsııany qarastyrý shegi eger aýdandyq jerde qarastyrylatyn bolsa, onda 2,5 myń aýdan halqynyń qoldaýy qajet bolady. Al eger Úkimet tarapynan qaralý úshin 50 myńnan astam qoldaýshy bolýy kerek. Petıtsııany qaraý barysynda memlekettik organ birqatar is-shara júrgizedi, jumys tobyn qurady. Qoǵamdyq talqylaý júrgizedi», - dedi vıtse-mınıstr Ortalyq kommýnkatsııalar qyzmetindegi brıfıngte.

Onyń atap ótýinshe, petıtsııa boıynsha sheshimdi memlekettik organnyń birinshi basshysy ǵana bere alady.

«Shekti mánge jetpegen petıtsııalar úndeý retinde Ákimshilik-rásimdik kodeks boıynsha qarastyrylady», - dedi Danııar Qadyrov.

Vıtse-mınıstrdiń aıtýynsha, zań alǵashqy resmı jarııalanǵan kúninen 6 aı ótkende kúshine enedi, ıaǵnı 2024 jylǵy 4 sáýirden bastap azamattar «E-Ótinish» aqparat júıesi arqyly onlaın petıtsııa bere alady.

Interneti joq qazaqstandyqtardyń memleket pen azamattyq qoǵamnyń ózara is-qımyly salasyndaǵy ýákiletti organǵa jazbasha aryz jazyp, júginýine múmkindik bar.