Qandaı áleýmettik jeliler jastarǵa óz-ózine qol jumsaýdy úgitteıdi
QazAqparattyń resmı saýalyna jaýap bergen mınıstrlik aqparatynda Baılanys, aqparattaný jáne buqaralyq aqparat quraldary salasyndaǵy memlekettik baqylaý komıteti turaqty negizgi elimizdiń aqparattyq keńistigine, onyń ishinde áleýmettik jelilerde jarııalanatyn materıaldarǵa monıtorıng júrgizetindigi atalyp ótilgen.
«Qazaqstan zańnamasyna saı kelmeıtin materıaldar anyqtalǵan jaǵdaıda ınternet-resýrstyń menshikti mekenjaıyna olardy joıý týraly eskertý haty jiberiledi. Menshik ıesi buzýshylyqtardy joımaǵan jaǵdaıda, komıtet «Baılanys týraly» QR zańynyń 41-1-babynda kórsetilgen tártippen baılanys operatoryna ınternet-resýrsta jarııalanǵan aqparatqa shekteý qoıý týraly usynys engizedi», - dep atap ótti vedomstvodan.
Sonymen qatar mınıstrlik «Buqaralyq aqparat quraldary týraly» QR Zańynyń 13-baby 3-tarmaǵyna sáıkes sýıtsıdti nasıhattaıtyn materıaldardy taratý zańnamada bekitilgen tártippen buqaralyq aqparat quralynyń shyǵýyna tosqaýyl qoıýǵa negiz bolady. Osylaısha, zańnamada sýıtsıdti nasıhattaý belgileleri bar kez kelgen materıaldy BAQ-ta jarııalaýǵa tyıym salynǵan.
«Aǵymdaǵy jyldyń qańtary men 25 qarashasyna deıingi kezeńde komıtet eskertý jumystary aıasynda «V Kontakte», «Odnoklassnıkı» áleýmettik jelileriniń jáne basqa da ınternet-resýrstardyń ákimshileriniń meken jaıyna jastar arasyndaǵy sýıtsıdti nasıhattaý belgileri bar 211 aqparattyq materıalǵa (onyń 161-i áleýmettik jelilerde ornalastyrylǵan) qatysty eskertý hatyn jiberdi. Búgini tańda atalǵan barlyq materıaldarǵa qatysty ınternet-resýrstardyń menshik ıeleleri olardy joıý nemese Qazaqstan aýmaǵynda kirýge shekteý qoıý sharalaryn qabyldady», - dedi mınıstrlikten.
Sonymen qatar komıtet sýıtsıdti nasıhattaý belgileri bar 23 aqparattyq materıalǵa «Baılanys týraly» QR Zańynyń 41-1 babymen Qazaqstan aýmaǵynda taralýyna tyıym salǵan.
Osy oraıda elimizdiń Aqparat jáne kommýnıkatsııalar mınıstrligi ınternet-resýstarda nemese áleýmettik jelide jarııalanatyn aqparattyń naqtylyq pen zańdy jáne jeke tulǵalardyń quqyqtary men múddelerin saqtaý turǵysynda zańnama talaptaryna saı bolýy tıistigin eskertedi.