Qandasymyzdyń Qytaı telearnasynda oryndaǵan «Áje» áni ınternette qyzý talqylanýda

ASTANA. QazAqparat - Qytaıdyń Fujian TV «Sounds of nature» ulttyq ánder realıtı-shoýynda óner kórsetip jatqan qandasymyz Araı Aıdarhannyń ájesine arnap aıtqan áni qytaılyq tyńdarmandardyń kózine jas keltirdi.

Araıdyń ájesine degen saǵynyshynan týǵan bul áni qazaqtyń otbasylyq qundylyqtaryn áıgileıdi. Tyńdarmandar áleýmettik jelide kompozıtsııadan alǵan áserlerimen bólisip, úlkenderdi qurmettep, ardaqtap-baǵalaý kerektigin jazýda.

Eske sala keteıik, realıtı-shoýdyń aldyn ala jazylymy telearna efırinen keshe kórsetildi. A.Aıdarhannyń qytaı tilinde oryndaǵan «Áje» áni Sina weibo áleýmettik jelisinde 40 myńǵa jýyq ret qaralyp úlgerdi.

Araı qazaqstandyq ánshi Dımash Qudaıbergenniń «Singer 2017» jobasyndaǵy mýzykalyq prodıýseri. Ol 2013 jyly «Chinese Idol (中国梦之声)»,  2014 jyly «Chian Is Listening (中国正在听)» án baıqaýynda úzdik bestikten kórinip, qytaı estradasynyń tanymal ánshisine aınaldy.

Araı Aıdarhan buǵan deıin atalmysh realıtı-shoýda «Samaltaý» ánin shyrqaǵanyn jazǵan edik.