Qandastarǵa qatysty keıbir ókilettik Aqparat mınıstrliginen SІM-ne berildi

NUR-SULTAN. QazAqparat - Qazaqstan Respýblıkasy Úkimetiniń 2022 jylǵy 31 qańtardaǵy №36 Qaýlysyna sáıkes Qazaqstan Respýblıkasynyń zańnamasynda belgilengen tártippen «Otandastar qory» kommertsııalyq emes aktsıonerlik qoǵamynyń 50 paıyz mólsherindegi aktsııalarynyń memlekettik paketin ıelený jáne paıdalaný quqyqtary Aqparat jáne qoǵamdyq damý mınıstrliginen Syrtqy ister mınıstrligine berildi, dep habarlaıdy Qordyń baspasóz qyzmeti.

«Otandastar Qory» KeAQ aldaǵy ýaqytta QR SІM-ne qarasty qyzmet atqarady.

Buǵan deıin Qoǵam aktsıonerleri QR Syrtqy istermınıstrligi men QR Aqparat jáne qoǵamdyq damý mınıstrligi bolǵan.

Aıta keteıik, Sheteldegi otandastarymyzǵa jan-jaqty qoldaý kórsetý maqsatynda «Otandastar Qoryn» qurý týraly 2017 jyly «Dúnıejúzi qazaqtarynyń V quryltaıynda» Tuńǵysh Prezıdent – Elbasy N.Á. Nazarbaev tapsyrma bergen edi. Qoǵam óz jumysyn 2018 jyldyń kúzinde bastaǵan.

Búginde Qoǵamnyń negizgi maqsattarynda sheteldegi qazaq qaýymdarynyń jınaqy turatyn jerlerinde qazaq tili men mádenıetin damytý jáne tarıhı otanymen baılanysyn qoldaý salasyndaǵy is-sharalardy uıymdastyrý arqyly QR Syrtqy ister mınıstrliginiń sheteldik vedomstvolaryna baǵynysty uıymdar retinde sheteldegi Mádenı-iskerlik úıleri platformasynyń jelisin keńeıýge, sheteldik qazaq jastary jáne Qazaqstannyń bilim berý salasyń basymdyqtaryna, Sheteldegi qazaq qaýymdary jáne Qazaqstannyń ımıdjdik tartymdylyǵyn arttyrý ‒ aqparattyq-konsýltatsııalyq qamtamasyz etý máselelerine basymdyq jasaý kózdelip otyr.

Sonymen qatar, qandastardy aqparattyq qoldaý ortalyqtarynyń jumysyn jalǵastyra otyra, sheteldegi qazaqtar men elge kelgen aǵaıynnyń ózara is-qımyl salasyndaǵy memlekettik saıasatty taldaý, josparlaý jáne boljaý máseleleri boıynsha derekter bazasyn qalyptastyrý jumystaryn atqarady.