Qandastardyń atajurtqa oralýyna qatysty ǵylymı eńbek jaryqqa shyqty
Erteń Dúnıejúzi qazaqtarynyń qaýymdastyǵynyń uıymdastyrýmen Almatyda «Qazaq dıasporasy jəne Atamekenge oralý (1991-2012)» atty ujymdyq ǵylymı monografııanyń tusaýkeseri ótedi. Ǵylymı eńbek «Samuryq-Qazyna» Aktsıonerlik qoǵamynyń qoldaýymen shyǵýda.
Mazmuny men kólemi jaǵynan aýqymdy - 10 taraý, qatty muqabadaǵy 37 baspa betten turatyn - bul monografııa qazaq dıasporasy, kóshi-qon saıasaty, demografııa jáne dıasporologııa tarıhynyń máselelerine qyzyǵýshylyq tanytqan kópshilikke jalpylaı arnalady. Kitap geografııalyq, pándik jáne ataýly kórsetkishtermen, qysqarǵan sózder tizimimen,sondaı-aq túrli-tústi sýrettermen jabdyqtalǵan.
Qazaqtardyń atamekenge oralýy eldegi qazaq sanynyń sanynyń jáne ósiminiń artýyna yqpal etti. Atajurtqa qaıta oralǵan qazaqtar respýblıkanyń qazaq turǵyndarynyń 10% quraıdy.
Qazaq dıasporasy damýynyń tarıhı tájirıbesi men olardyń tarıhı otandaryna qonys aýdarýy qazaqstandyq qoǵamnyń memlekettiń jańasha damý qurylysy kezeńindegi áleýmettik mańyzdy basymdyqtarynyń quramdas bóligi bolyp tabylady. Álemniń 43 elinde turyp jatqan sheteldegi etnıkalyq qazaqtardyń jalpy sany 4-4,5 mln shamasynda.
Monografııa avtorlary qatarynda - tarıh ǵylymdarynyń kandıdaty Kúlǵazıra Baltabaeva, Dúnıejúzi qazaqtarynyń qaýymdastyǵy tóraǵasynyń birinshi orynbasary Talǵat Mamashev, tarıh ǵylymdarynyń doktory, professor Jaras Ermekbaı jáne fılosofııa ǵylymdarynyń kandıdaty, dotsent Aıtbala Baımaǵambetovalar bar. Monografııanyń ǵylymı redaktory akademık, tarıh ǵylymdarynyń doktory, professor Sattar Májıtov.