Qandastardy qonystandyratyn kezde óńir erekshelikteri eskerilýi kerek - Jibek Joly
«Bizdiń memleket bilikti kadrlardy tartýǵa ǵana emes, etnıkalyq qazaqtardy tarıhı otanyna qaıtarýǵa da kúsh salyp jatyr. Qonys aýdarý baǵdarlamasy iske asyrylǵannan beri Pavlodar oblysyna 2 myńnan astam adam keldi. Bul shamamen 460 otbasy. Qandastardyń keıbiri kásipkerlikpen aınalysady. ıAǵnı, bul bizdiń óńirdiń ekonomıkalyq turǵydan damytýǵa úles qosady. Negizinen Pavlodar oblysynyń aýmaǵyna keletin qandastar aýyldyq jerlerde qonystanady» , - dedi basqarma basshysy.
Sonymen qatar, Almıra Dısıýpova Pavlodarǵa qonystanǵan qandastardyń qaı elderden oralǵanyn aıtty.
«Qandastardyń basym bóligi Mońǵolııadan, Qytaıdan jáne Ózbekstannan keldi. Bıyl Túrikmenstannan qonys aýdarýshylar da bar. Búgingi kúni atalǵan elden bizge 14 otbasy keldi, jalpy sany - 82 adam. Onyń ishinde otbasylardyń bir bóligi kóshýge sýbsıdııa aldy», - dep baıandady Almıra Dısıýpova.
Basqarma basshysy suhbat barysynda qazirgi kóshi-qon saıasatyn qaıta qaraý kerektine toqtaldy.
«Búgingi jaǵdaıdy qaraıtyn bolsaq, jalpy kóshi-qon saıasatyn zańnamalyq deńgeıde qaıta qaraý qajettiligi bar dep esepteımiz. Ol týraly qazir aıtylyp ta jatyr. Osynǵan baılynysty onyń jańa tujyrymdamasy talqylanýda. Bul oraıdy árbir aýmaqtyń óńirlik ereksheligine mán berý qajet. Pavlodar oblysy ónerkásiptik aımaq bolǵandyqtan bizge tıisinshe joǵary bilikti mamandar qajet. Sonymen qatar, azamattyqty alý merzimin qaıta qaraý qajet dep sanaımyz. Mundaı usynystar tıisti organdarǵa joldandy», - dep túıindedi Pavlodar oblystyq áleýmettik qorǵaý jáne jumyspen qamtý basqarmasynyń basshysy.
Eske salaıyq, buǵan deıin «Jibek Joly» telearnasyndaǵy «Jańa ýaqyt» baǵdarlamasyna suhbat bergen Májilis depýtaty Qaınar Abasov bızneske memleketten qandaı qoldaý qajet ekendigin aıtqan bolatyn.