Qandastar Nur Otan praımerızine qoldaý bildirdi
Onlaın basqosýdy jýrnalıst, bloger Aıdos Juqanuly júrgizdi.
Konferentsııaǵa Qazaqstannyń eńbek sińirgen qaıratkeri Dúken Másimhanuly, L.N. Gýmılev atyndaǵy Eýrazııa ulttyq ýnıversıtetiniń Shyǵystaný kafedrasynyń professory Tursynhan Zákenuly, Qazaqstan Respýblıkasy Prezıdenti janyndaǵy Ulttyq qoǵamdyq senim keńesiniń múshesi Aýyt Muqıbek, halyqaralyq dárejedegi marketıng jáne PR mamany Jardanbek Nazgúl, «Minber» jýrnalısterdi qoldaý ortalyǵynyń jetekshisi, jýrnalıst Esengúl Kápqyzy, «Otandastar qory» KeAQ qandastardy qoldaý departamentiniń basqarýshysy Ǵazız Tastaev jáne ár salada qyzmet etip júrgen ozyq ári belsendi azamattar qatysty.
Moderator Aıdos Juqanuly «Nur Otan» partııasy kóptegen ıgi isterdi atqaryp jatqanyn, sonyń biri osy praımerız ekenin tilge tıek etti. «Nur Otan» partııasy barlyǵyna keń múmkindik berip, azamattarǵa jol ashyp otyr. Basty ustanymdary ádildik úshin aılaq bolý. Buǵan mende senem. Naǵyz demokratııalyq prıntsıpter praımerız arqyly ornyǵý kerek», – dedi.
Biri – otyz jyl buryn, biri jýyrda ǵana atamekenge oralǵan otandastar ózi qyzmet etetin saladaǵy problemalardy kóterip, praımerızge qatysý arqyly sol máselelerdi sheshkisi keletinin aıtty.
Alǵash sóz tizginin alǵan Dúken Másimhanuly praımerızdi elimizdegi bas partııa saıasatynyń ashyqtyǵy dep baǵa berdi. Partııaishilik irikteýge qatysyp, bilim-ǵylym salasyndaǵy biraz máselelerdi kóterýge nıetti ekenin aıtty. «Ǵumyrymdy bilim-ǵylym salasynda sarp etken azamat retinde Táýelsiz elimniń damýyna áli de úles qosqym keledi. Bizge osyndaı múmkindik berip otyrǵan «Nur Otan» partııasyna alǵysymyz sheksiz», – dedi.
Al, Qazaqstan Respýblıkasy Prezıdenti janyndaǵy Ulttyq qoǵamdyq senim keńesiniń múshesi, partııaishilik irikteýge qatysýshy Aýyt Muqıbek praımerız shetten kelgen aǵaıyndarǵa ne beredi degen suraqqa jaýap berdi. «Praımerız – qandastarymyzdyń saıası protsesterge aralasýyna úlken múmkindik. Ári depýtattardy irikteýdiń teńdessiz tásili. Elimizge qonys aýdaryp kelgenderdiń máselesin qandastar kóbirek biletindikten, olardyń saılaýǵa qatysýy óte mańyzdy», – dep atap ótti.
Sonymen qatar, halyqaralyq dárejedegi marketıng jáne PR mamany Nazgúl Jandarbek te atalǵan naýqannan tys qalmaıtynyn atap ótti. «Memlekettik basqarý júıesine sheteldik úzdik tásilderdi kirgizgenimiz bizge memlekettik qyzmetterdi jeńildete túsedi. Sonyń biri osy praımerız ótkizý. Qazirgi kezde elimizde belsendi jastar kóp. Olardyń talpynysy joǵary. Partııa ishinde praımerız arqyly osyndaı belsendi azamattardy iriktep shyǵarý jumystary júrgizilýde. Osy sátti biz ońtaıly paıdalana bilýimiz kerek. Sondyqtan men qolymdy siltep, bul múmkindikten qalys qalǵym kelmeıdi. 30 jyl boıy istegen jumysymnyń nátıjesin endi memleket qyzmetine arnaǵym keledi», – dedi ol.
Aqyn, jazýshy Áskerhan Aqtaı praımerız partııaishilik irikteý elge jańa lep ákeletin ońdy qadamdardyń biri ekenine toqtaldy. «Meniń maqsatym – qandastarymyzdyń ekonomıkalyq-áleýmettik, rýhanı máselesine qoldaý kórsetý, eldegi túıtkildi máselelerdi sheshý. Pramerız ádil ótedi dep oılaımyn. Eldiń bolashaǵyna eleýli úles qosatyn azamattardyń praımerızdiń nátıjesinde saılanatynyna senemin», – dep, praımerızge qatysatynyn atap ótti.
Konferentsııa barysynda «Otandastar qory» QeAQ Qandastardy aqparattyq qoldaý ortalyǵynyń meńgerýshisi Bolat Zaýt memleketti ármen qaraı damytýǵa atsalysý úshin el azamattaryn praımerızge qatysýǵa shaqyrdy. Esengúl Kápqyzy básekege qabilettilikti arttyrýdyń mańyzdylyǵyn aıta kele, partııa men halqymyzdyń aldynda turǵan synnan súrinbeı ótýdi tiledi. Al S.Seıfýllın atyndaǵy Qazaq agrotehnıkalyq ýnıversıtetiniń Ekonomıkalyq teorııa jáne quqyq kafedrasynyń aǵa oqytýshysy Qaırat Bodaýhan praımerızge qatysýshylarǵa eldegi demografııalyq máselelerdi kóterýge, aýylsharýashylyǵyn jandandyrýǵa kúsh salý kerek degen usynysyn bildirdi. L.N. Gýmılev atyndaǵy Eýrazııa ulttyq ýnıversıtetiniń shyǵystaný kafedrasynyń professory Tursynhan Zákenuly Parlamentke jergilikti qazaqtar men shet eldegi aǵaıynnyń muń-muqtajyn oılaıtyn, halyqqa jany ashıtyn azamattardyń keletinine senetinin aıtty.
«Erke-Nur» JShS bas dırektory Farıda Merhamıtqyzy kóshi-qon máselelerine belsendi túrde aralasyp, atsalysqanyn tilge tıek etip, eldiń saıası ómirinde halyqpen birge kele jatqanyn, sondaı-aq máslıhatta istegen jyldarynda jınaqtaǵan tájirıbesin budan ári de paıdalaný úshin praımerızge qatysyp, joǵary deńgeıde jumys isteýge bar kúshin salatynyn sóz etti.
Konferentsııany qorytyndylaý barysynda «Nur Otan» partııasynyń hatshysy Arman Qyryqbaev partııaishilik praımerızdiń halyqtyń úmitin qanshalyqty aqtaıtynyna toqtaldy. «Biz bul praımerızge úlken úmit artamyz. Bul naýqan «Nur Otan» partııasynyń depýtattarynyń sanyn jańǵyrtýdyń tıimdi joly. Osyny iske asyrý úshin eldiń aldyna shyǵyp halyqpen kezdesetin, óziniń sózine jaýap bere alatyn, talap qoıa alatyn, ýáde berip qana qoımaı, sony oryndaı alatyn azamattar kerek. Doda bolǵannan keıin, bul jerde talas, tartys júredi. Ár aımaqtyń óz serkeleri, belsendileri bar. Olardyń qaı-qaısysy bolmasyn osy praımerızde jeńiske jetkisi keledi. Praımerızdiń joǵary deńgeıde, meıilinshe ádil ótýi barlyǵymyzǵa baılanysty. Eldiń aldynda júrgen, qoǵamǵa paıdasy tıetin azamattar naýqanǵa qatyssa, praımerız de jaqsy ótedi. Al biz óz tarapymyzdan qolymyzdan kelgenniń bárin jasaımyz», – dedi partııa hatshysy.
Esterińizge sala keteıik, buǵan deıin Elbasy, Partııa Kóshbasshysy Nursultan Nazarbaev óziniń vıedoúndeýinde «Nur Otan» jaqtastaryn jáne partııalastardy elimiz úshin mańyzdy saıası oqıǵaǵa belsene qatysýǵa shaqyrdy.
17 tamyzda elimizdiń barlyq aımaqtarynda «Nur Otan» partııasynyń praımerızderine kandıdattardy usyný jáne tirkeý bastaldy. Qazirgi ýaqytta alty myńnan astam adam partııaishilik irikteýge qatysýǵa nıet bildirdi.
Úgit-nasıhatqa daıyndalý úshin kandıdattarǵa 31 tamyzdan 6 qyrkúıekke deıin 7 kún bólinedi.
7 qyrkúıek pen 3 qazan aralyǵynda kandıdattardyń úgit-nasıhat jumystary, sonyń ishinde 14-30 qyrkúıek aralyǵynda kópshilikke jarııa debattar ótedi. Debattar «Praımerız» arnaıy aqparattyq júıesi arqyly partııanyń resmı akkaýnttarynda kórsetiledi.