Qandasymyz «Qytaıdyń úzdik dárigeri» ataǵyn aldy

<p>BEIJІŃ. KAZINFORM &mdash; 19 tamyz - Qytaı dárigerleri kúnine oraı Ortalyq úgit-nasıhat basqarmasy men ulttyq densaýlyq saqtaý komıteti 2024 jylǵy &laquo;Eń úzdik dárigerlerdiń&raquo; tizimin jarııalady. Qazaq dárigeri Máýlishárip Qapa úzdikter qatarynan tabyldy, dep habarlaıdy Qytaıdyń&nbsp;<a href="http://www.kaz.people.cn/n3/2024/0821/c416688-20208608.html" target="_blank" rel="noopener">Halyq</a>&nbsp;gazeti.&nbsp; &nbsp;</p>

Qytaılyq BAQ-tyń dereginshe, Shyńjańnyń Altaı óńirindegi Máýlishárip Qapa — Býryltoǵaı aýdanyndaǵy aýyldyń zeınetker dárigeri.

Ol 40 jyl boıy sharýashylyq óńiriniń túkpir-túkpirin aralap, dári-dármek pen dárigerlik qyzmetin em alýshylardyń otbasyna deıin jetkizgen. 

Dárigerlik jumys babymen júrgende Shyńjańnyń Býryltoǵaı aýdanyndaǵy eldi mekenderdi aralap, árbir malshy otbasymen tanysqan. 

Aıta keteıik, Máýlishárip Qapa kóp jyl buryn zeınetke shyqqanymen áli de aýyldastarynyń syrqatyn emdep keledi.

Máýlishárip Qapa 1975 jyly Shyńjań Halyqtyq qytaı medıtsına mektebin bitirgennen keıin Býryltoǵaı aýdanyndaǵy jumysyn atqarǵan 47 jylda ol óziniń tamasha dárigerlik sheberligimen jáne kásibı etıkasymen halyqtyń qurmetine bólengen.
Ol tek óz kásibimen ǵana aınalysyp qoımaı, qoǵamdyq jumystarǵa da belsene aralasqan. 
Atap aıtqanda, 1992 jyldan 2022 jylǵa deıingi 30 jyl ishinde Býryltoǵaı aýdanynyń bilim berý salasyna 700 000 ıýannan joǵary qarjy aýdaryp, 500-den astam mektepti tastap ketken balanyń oqýǵa qaıta oralýyna kómektesken. Sondaı-aq 36 kedeı oqýshynyń oqýyn tolyq  aıaqtaýyna qarjylyq jaqtan qol úshin sozǵan. 

Foto: ts.cn