Qandas mártebesine qujattar sheteldegi elshilikterde qabyldanady – mınıstrlik

ASTANA. QazAqparat – Endigi ýaqytta elge oralǵysy kelgen otandastarymyz, qandas mártebesin alý úshin ótinishti sol eldegi Qazaqstannyń elshiligi arqyly bere alady. ıAǵnı, elge kelýdiń qajeti bolmaıdy. Jańa joba týraly Eńbek jáne halyqty áleýmettik qorǵaý mınıstrligi kóshi-qon komıteti tóraǵasynyń mindetin atqarýshy Іlııas Ispanov málim etti, dep habarlaıdy QazAqparat tilshisi.

«Qandastardy elge qaıtarýdyń jańa jolyn qolǵa aldyq. Bul degenimiz sheteldegi otandastar elge oralý úshin qujattardy sol memlekettegi Qazaqstannyń elshiligine tapsyrady. Maqsat – qandastar vıza bar jáne vıza joq elderden kelip jatady. Olar Qazaqstanǵa kelgennen keıin qujattardy tapsyrǵanda kóptegen qıyndyqtar men kedergiler týyndap jatady. Qujattary durys bolmaýy múmkin. Onyń ústine qandas mártebesin berý bir kúndik jumys emes, uzaq protsess», - dedi Іlııas Ispanov OKQ-de ótken brıfıngide.

Aıtýynsha, sheteldegi elshilikterden kelgen qandastardyń ótinishi kóshi-qon komıteti men jergilikti atqarýshy organdarǵa tikeleı túsedi.

«Ótinish negizinde memlekettik quzyrly organdar jáne jergilikti atqarýshy bılik birlese otyryp keletin qandastardy ornalastyrý, qoldaý kórsetý jaǵyn aldyn ala qarastyrady. Bári durys bolǵan jaǵdaıda qandas baýyrlarymyz otanǵa kelip tirshilik jalǵastyra alady», - deıdi komıtet basshysy.

Eńbek mınıstrliginiń ókili, atalǵan jańashyldyq ázirge pılottyq joba retinde iske asyp jatqanyn aıtty. Spıkerdiń dereginshe, búginde Túrikmenstannan 505 qandas (156 otbasy) qujattaryn elshilikke tapsyrdy.