Qanat Sharlapaev: Barlaımyn degen ınvestorǵa 1,5 mln sharshy shaqyrym aýmaq usyna alamyz

<p>ASTANA. KAZINFORM &ndash; Ónerkásip jáne qurylys mınıstri Qanat Sharlapaev taý-ken salasyna ınvestıtsııany nyǵaıtý máselesine arnalǵan forýmda geologııalyq barlaý baǵytyndaǵy múmkindikter týraly sóz qozǵady.</p>

«Biz keıingi ýaqytta taý-ken isinde ashyqtyqqa qol jetkizdik. 2023 jyly 400 bloktyń aýmaǵy geologııalyq barlaýǵa ashyldy. Aýmaǵyn aıtsaq, qazir 1,5 mln sharshy shaqyrym alqap geologııalyq barlaýshylarǵa qoljetimdi. Bul burynǵyǵa qaraǵanda úlken aýmaq», - dedi mınıstr.

Vedomstvo basshysy jańadan ashylatyn kenishterdi ıgerý isi jańa standart boıynsha júrgiziletinin eske saldy.

«Odan bólek elimiz taý-ken salasy men geologııalyq barlaý isine atsalysqysy keletin ınvestorlarǵa múmkindik beretin reformalar júrgizip otyr. Taý-ken salasynda jańa kenishter tabylsa, olar jańa standarttar negizinde ıgeriledi. Árıne, biz halyqaralyq standarttardy saqtaımyz. Biz ınvestorlarmen «bir tilde» sóıleskimiz keledi. Bul baǵytta jumysty jalǵastyrý bizge óte mańyzdy», - dedi Qanat Sharlapaev.