Qanat Sharlapaev «ArselorMıttal Temirtaý» AQ-pen ýaǵdalastyq jaıynda aıtty

<p>Ónerkásip jáne qurylys mınıstri Qanat Sharlapaev aktsıonerler quramynan &laquo;ArselorMıttal Temirtaý&raquo; AQ-tyń shyǵý protsesine qatysty pikir bildirdi, dep habarlaıdy <a href="Kazinform" target="_blank" rel="noopener">Kazinform.</a></p>

Onyń aıtýynsha, qazirgi ýaqytta Qazaqstan Respýblıkasynyń paıdasyna «ArselorMıttal Temirtaý» AQ-tyń menshik quqyǵyn túpkilikti aýystyrýdyń zańdyq rásimdeý jumystary júrgizilip jatyr. 

«Memleket basshysynyń tapsyrmasy boıynsha aktsıonerlerdiń quramynan «ArselorMıttal Temirtaýdy» shyǵarý boıynsha kelissóz júrgizildi. Qazan aıynyń sońynda osy kelissózderdiń qorytyndysyna oraı Qazaqstan Respýblıkasynyń paıdasyna atalǵan kásiporynǵa menshik quqyǵyn berý sharttary týraly ýaǵdalastyqqa qol jetkizildi. Bul aqparatty «ArselorMıttal Temirtaý» kompanııasy rastady. Qazirgi sátte mámileni túpkilikti zańdy rásimdeý jumystary júrgizilip jatyr jáne taıaý ýaqytta bul protsess aıaqtalady», - dedi Qanat Sharlapaev.