Qanat Mýsın: Prezıdenttiń 7 jyl merzimge saılanýyn halyq tańdady
Parlament palatalarynyń birlesken otyrysynan keıin BAQ ókilderi mınıstrden: «Prezıdenttiń 7 jyl merzimge saılanýyn halyq tańdady dep aıta alasyz ba?» dep suraǵan edi.
«Aıta alamyn. Óıtkeni, sheshimdi depýtattar qabyldady. Al Qazaqstan halqy bılikti depýtattar arqyly júzege asyrady», - dep jaýap berdi Qanat Mýsın.
Sonymen qatar ol bul ózgerister jazda ótken jalpyhalyqtyq referendým barysynda qaralmaǵanyn túsindirdi.
«Konstıtýtsııaǵa ózgerister engizý eki jolmen, ıaǵnı ne referendým, ne Parlament arqyly júrgiziledi. Ekeýi de Konstıtýtsııalyq, ekeýi de zańdy», - dedi mınıstr.
Aıta keteıik, búgin depýtattar «Qazaqstan Respýblıkasynyń Konstıtýtsııasyna ózgerister men tolyqtyrý engizý týraly» QR Zańyn qabyldady.
Oǵan sáıkes, Prezıdenttiń mandaty qaıta saılaný múmkindiginsiz bir merzimge shektelip, jeti jyl merzimge uzartylady; Nur-Sultan qalasynyń ataýy qaıtadan Astana bolyp ózgeredi; Konstıtýtsııalyq Sot sýdıalarynyń ókilettik merzimi 8 jylǵa deıin ulǵaıtylady.
Vıdeodan alynǵan kadr