Qanat Mýsın QR Joǵarǵy sot sýdıasy qyzmetinen bosatyldy

NUR-SULTAN. QazAqparat – QR Parlament Senatynyń depýtattary Qanat Mýsındi QR Joǵarǵy sot sýdıasy qyzmetinen bosatý týraly sheshimdi qoldady, dep habarlaıdy QazAqparat tilshisi.

«Senat Bıýrosynyń qaýlysyna jáne Senat Reglamentiniń 66-tarmaǵyna sáıkes Konstıtýtsııalyq zańnama, sot júıesi jáne quqyq qorǵaý organdary komıteti QR Prezıdenti usynǵan QR Joǵarǵy Sotynyń sýdıasy qyzmetinen bosatý týraly kandıdatýrany talqylap, qorytyndy shyǵardy.

QR Konstıtýtsııasynyń 55-babynyń 1) tarmaqshasyna jáne «QR sot júıesi men sýdıalarynyń mártebesi týraly» QR Konstıtýtsııalyq zańynyń 34-babynyń 3-tarmaǵyna sáıkes:

Qazaqstan Respýblıkasy Parlamenti Senatyna basqa qyzmetke taǵaıyndalýyna baılanysty Qazaqstan Respýblıkasy Joǵarǵy Sotynyń sýdıasy Qanat Sergeevıch Mýsındi qyzmetinen bosatý usynylady», - dedi senator Vladımır Volkov Senat otyrysynda.

Senatorlar bul sheshimdi qoldap daýys berdi.