Qanat Islamnyń jekpe-jek aldynda qarsylasy aýysty

NUR-SULTAN. QazAqparat – Qazaqstandyq boksshy Qanat Islamnyń (27-0, 21 KO) Maıamıdegi (AQSh) jekpe-jegi qarsańynda qarsylasy aýysty, dep habarlaıdy QazAqparat Sports.kz-ke silteme jasap.

Boxrec.com saıtynyń málimeti boıynsha Islam ekvadorlyq Djeıson Mındamen (14-3-1, 8 KO) kezdesedi. Orta salmaqtaǵy aıqas 10 raýndqa josparlanǵan.

Eske sala keteıik, bastapqyda 36 jastaǵy qazaqstandyq boksshy ganalyq sportshy Obodaı Saımen (35-3-1, 26 KO) jekpe-jek ótkizýi kerek edi.

Sońǵy ret Qanat Islam rıngke 2019 jyldyń qazan aıynda shyqqan bolatyn, ol tóreshilerdiń biraýyzdan qabyldaǵan sheshimimen namıbııalyq Ýolter Kaýtondokvýdy (18-2, 17 KO) jetip, orta salmaqta WBO International chempıony tıtýlyn sátti qorǵaǵan edi.