Qanat Islamnyń AQSh-taǵy tıtýl úshin aıqasyn jankúıerler kóre alady

NUR-SULTAN. QazAqparat – Qazaqstandyq boksshy Qanat Islamnyń (28-0, 22 KO) brıtandyq Djımmı Kellımen (25-2, 10 KO) orta salmaqtaǵy WBO Global chempıondyq belbeýi úshin aıqasyn kim kórsetetini belgili boldy, dep habarlaıdy QazAqparat Sports.kz-ke silteme jasap.

Bul jekpe-jek senbi kúni tańerteń, 26 aqpanda Plant-Sıtıde (AQSh, Florıda shtaty) ótedi. Qazaqstanda ony tikeleı efırden «Habar» telearnasy kórsetedi. Bastalýy Nur-Sultan ýaqytymen 07:00-de.

Qanat Islam sońǵy aıqasyn 2021 jyldyń aqpanynda ótkizdi. Ol ekvadorlyq boksshy Djeıson Mındýdy (14-6-1, 8 KO) jetinshi raýndta nokaýtqa túsirdi. Sodan beri rıngke shyqqan joq.