Qanat Islam sharshy alańǵa qaıta oralady

NUR-SULTAN. QazAqparat – Kásipqoı boks áleminde Qazaq laqap atymen tanymal boksshy Qanat Islam sharshy alańǵa qaıta oralmaq. Bul jaıynda boksshynyń ózi málimdedi, dep habarlaıdy QazAqparat tilshisi.

«Qurmetti meniń jankúıerlerim! Biz jekpe-jek jattyǵýlaryna qyzý daıyndyqtamyz. Inshalla, jaqynda jaqsy jańalyqtarmen bólisemiz. Sizderge Túrik elinen jalyndy sálem!», - dep jazdy Qanat Islam Instagram paraqshasynda.

Esterińizge sala ketsek, Qanat Islam (28-0, 22 KO) osy jyldyń 20 aqpanynda AQSh-tyń Florıda shtatynyń Maıamı qalasynda ótken aıqasta ekvadorlyq Djeıson Mındýny (14-4-1, 8 KO) jetinshi raýndta nokaýtqa túsirgen bolatyn.

Sol kezde qazaqstandyq boksshynyń promoýteri Nelson Lopes The Ring-ke bergen suhbatynda Qanat Islamnyń kelesi eki jekpe-jegi osy jyldyń maýsym men qyrkúıek aılaryna josparlanǵan aıtqan edi.

Al naýryz aıynda kásipqoı boks áleminiń ınsaıdtary men jańalyqtaryn jarııalap júrgen Boxing Media UK tvıtter-akkaýntynda WBC nusqasy boıynsha dıvızıondaǵy álem chempıony, amerıkandyq boksshy Djermall Charlonyń (31-0, 22 KO) áleýetti qarsylasy retinde Qanat Islamnyń da qarastyrylyp jatqany jazyldy.