Qanat Islam men Nursultan Jańabaev birge jattyǵyp júr

ASTANA.QazAqparat -  Qazaqstandyq boksshy Qanat Islam (24-0, 19 KO) men Nursultan Jańabaev (2-0,1KO) EKSPO kórmesi aıasynda ótetin aldaǵy boks keshine daıyndyqty Astanada ótkizýde, dep habarlaıdy QazAqparat.

Boksshylardyń jattyǵýdan keıingi birge túsken fotolary Kanat Islam team Facebook jeke paraqshasynda jarııalandy.

Aıta keteıik , Qanat Islam aldaǵy jekpe-jekke daıyndyq úshin Almatydan Astanaǵa kelgen bolatyn. Sondaı-aq, boksshy Nursultan Jańabaevty óziniń izbasary dep ataǵan edi.

Nursultan Jańabaev kásipqoı bokstaǵy alǵashqy jekpe-jegin 2016 jyly Qytaıda bastady.  Al sońǵy kezdesýinde WBA China ataǵyn jeńip alǵan bolatyn.

Eske sala keteıik, 9 qyrkúıekte Astanadaǵy «Saryarqa» velotregi ǵımaratynda Qanat Islam (24-0,19KO) kanadalyq Brendon Kýkpen (18-0, 11KO) judyryqtasady. Boksshylar birinshi orta salmaqtaǵy IBF tıtýlyna úmitkerlikke talasady. Osy jekpe-jektiń anderkartynda 8 qazaqstandyq boksshy óner kórsetedi. Olar - Janqosh Turarov (21-0, 15KO), Jánibek Álimhanuly (1-0, 1KO), Meıirim Nursultanov (3-0,2KO), Rýslan Myrsataev (3-0, 3KO), Álı Ahmedov (7-0,5KO), Aıdos Erbosynuly (6-0, 6KO), Dımash Nııazov (11-0-3, 5KO) jáne Nursultan Jańabaev (2-0,1KO).