Qanat Islam Amerıkadaǵy jekpe-jegi aldynda salmaq ólshedi

ASTANA. QazAqparat - «Qazaq» laqap atymen tanymal qazaqstandyq boksshy Qanat Islam (28-1, 22 KO) Amerıka Qurama Shtattarynda ótetin kezekti jekpe-jeginiń aldynda salmaq ólsheý rásiminen ótti, dep habarlaıdy QazAqparat sportshynyń jelidegi paraqshasyna silteme jasap.

Argentına boksshysy Haver Fransısko Maselmen (34-17, 23 KO) judyryq túıistirý aldynda qazaqstandyq boksshy orta salmaq dárejesinde qaldy.

Jekpe-jek AQSh ýaqytymen 7 qazanda (Astana ýaqytymen 8 qazan – avt.) Plant-Sıtıde (Florıda shtaty, AQSh) ótedi.

Aıta ketsek, Qanat Islamnyń osy atalǵan jekpe-jegi aldynda qarsylasy aýysyp ketken bolatyn.

Q.Islam sońǵy jekpe-jegin brıtandyq boksshy Djımmı Kellıge (26-3, 10 KO) qarsy ótkizip, tóreshilerdiń ekige bólingen sheshimimen jeńilip qalǵan edi.

Foto: instagram.com/islamkanatqazaq