Qanat Bozymbaev «jasyl» tehnologııalar ortalyǵynyń qashan qurylatynyn atady
«EKSPO bazasynda jaqyn arada bolashaq energııalarynyń ınvestıtsııalyq jobalary men «jasyl» tehnologııalardyń halyqaralyq ortalyǵy qurylatyn bolady. Ol óz kezeginde transformatsııalyq energetıkalyq sektor men «jasyl» bızneske ótýge qatysty tapsyrmalardy sheshedi. Ortalyq Reseı, Qytaı, AQSh, Úndistan men Latyn Amerıkasy elderimen etene seriktese jumys atqarady. Ol EKSPO tájirıbesiniń laıyqty jalǵasy bolmaq», - dedi Qanat Bozymbaev HІ Eýrazııalyq KAZENERGY forýmynda.
Mınıstr óz sózinde Qazaqstan energııanyń alternatıvti energobalansyn belsendi túrde engizip jatqanyn atap ótti. Jospar boıynsha balamaly energııa kózderiniń úlesi 2020 jyly 3 protsentke, 2030 jyly 10 protsentke, 2050 jyly 50 protsentke jetýi tıis.
«Sózsiz, atalǵan salanyń aldaǵy ýaqytta damýyna qatysty jaýapty sheshimder kerektigin sezemiz. Keleshekte taza ári jasyl energııanyń irgetasyn birge qalaıtynymyzǵa senimdimin. Erteńgi urpaqqa osy baǵytta energetıka salasynyń damýyn úlgi etýimiz kerek», - deıdi Qanat Bozymbaev.