Qanat Bozymbaev otyn-energetıkaǵa qansha ınvestıtsııa tartylatynyn málimdedi
«Aldaǵy jyldan bastap munaı men gaz salasynda jer qoınaýyn paıdalanýǵa kelisimsharttardyń barlyq túrlerin ońtaılandyrýdy qarastyryp otyrmyz. Osy rette olardy bekitý merzimin qysqartyp, kóptegen ákimshilik kedergilerdi joıýdy, munaıgaz shıkizatynyń qory boıynsha eseptilik standarttarynyń halyqaralyq júıesine kóshýdi iske asyrý kózdelgen", - dep toqtaldy Energetıka mınıstri.
Sonymen qatar ol munaı óńdeýde energııa tıimdiliginiń jobalary engizilip jatqanyn, munaı óńdeýshi zaýyttardyń úsh jylda bir ret jóndeý kezeńine kóshirilgendigin atap ótti.
«Otyn-energetıkalyq sektordyń bastamasy boıynsha ınvestıtsııalardyń jalpy kólemi aldaǵy, ıaǵnı 2017-2025 jyldary 19 tlrn teńgeden astam qarjyny quraýy tıis. Onyń ishinde 97 paıyzy jeke ınvestıtsııalar esebinen qamtamasyz etiledi. Jalpy Qazaqstan strategııasy tek dástúrli energetıkanyń joǵary kórsetkishterine ǵana emes, sonymen qatar kezeń-kezeńmen balamaly ári jańaratyn energııa kózderin damytýǵa baǵyttalǵan. Sońǵy jyldar balamaly energetıka kóptegen elderdiń úkimetteri tarapynan qoldaýǵa ıe boldy, osy oraıda Qazaqstan da energııalyq balansqa balamaly jáne jańaratyn energııany belsendi túrde engizýge baǵyt aldy. Bul turǵyda 2020 jylǵa qaraı jalpy kólemde onyń úlesi 3 paıyzdy, 2030 jylǵa qaraı 10 jáne 2050 jylǵa qaraı 50 paıyzdy quraıtyn bolady. Munaıgaz salasynda burynnan tıimdi yntymaqtastyq ornatqan iri korporatsııalardyń tájirıbesi bizge osy salada da paıdaly bolady dep sanaımyz. Sondyqtan biz tıisti kelissózderdi júrgizdik jáne kóptegen kompanııalar atalǵan salada Qazaqstanda óz is-qımyldaryn arttyrýǵa nıetti", - dedi Bozymbaev.